ფუტკრის ამერიკული სიდამპლის პრობლემა

დაავადების მართვა მეფუტკრეთა საზოგადოების კოლექტიური პასუხისმგებლობაა!

ქართული მეფუტკრეობა დიდ გეგმებს ეჭიდება და ბევრი დაბრკოლების გადალახვა უწევს წარმატების მისაღწევად.

გასულმა ათწლეულმა თვანათლივ გვაჩვენა, რომ აუცილებელია ჩვენი საქმიანი მიდგომის გადაფასება, რათა შევძლოთ მდგრადი და შემოსავლიანი  საფუტკრე მეურნეობების მოწყობა.

ამერიკული სიდამპლის მართვა ერთ-ერთი კრიტიკული საკითხია დარგის სიცოცხლისუნარიანობისთვის. ის დიდ ზარალს იწვევს ფუტკრის ოჯახების მწყობრიდან გამოყვანით, კიდევ უფრო დიდი ზიანი მოაქვს მეფუტკრეების მიერ დაავადების მართვის არასწორ პრაქტიკას - დაავადება, როგორც წესი, ფართოდ ვრცელდება, წარმოებული თაფლი კი, ხშირ შემთხვევაში, ანტიბიოტიკებით დაბინძურების გამო, სარეალიზაციოდ გამოუსადეგარია.

გაეცანით ამერიკული სიდამპლის მართვის განახლებულ სტრატეგიას!